सीकेपी समाजातर्फे गुणवंत विद्यार्थ्यांचा सत्कार

नागोठणे (महेंद्र माने) :- येथील चांद्रसेनीय कायस्थ प्रभू समाजातील  इयत्ता 10 वी व 12 वीमध्ये उत्तीर्ण झालेल्या ज्ञातीमधील विद्यार्थ्यांचा समाजाच्या जुना रामेश्वर व मारुती मंदिर ट्रस्टतर्फे रविवार 02 जून रोजी येथील श्री सिध्दीविनायक मंदिरात सत्कार करण्यात आला. याप्रसंगी मुख्य विश्वस्त सुभाष गरुडे,उदय भिसे,प्रदीप दुर्वे, नितीन देशपांडे, अजय अधिकारी यांच्यासह शंकर देशपांडे, शिरीन कारखानीस, विवेक देशपांडे, अर्चित भिसे, ऋषिकेश कारखानीस, अमोघ विळेकर, तसेच विनया देशपांडे, अमिता अधिकारी, प्रणिता पत्की, मुग्धा गडकरी, वर्षा देशपांडे, मनीषा गुप्ते, प्रियाली भिसे तसेच समाज बांधव उपस्थित होते.

समाजातील इयत्ता दहावीमधील देवश्री विजय अधिकारी, वरद विवेक देशपांडे व विनीत सचिन गुप्ते तसेच बारावीमधील श्रेया जीवन पत्की व सानिका मकरंद गडकरी या ज्ञातीमधील उत्तीर्ण झालेल्या विद्यार्थ्यांचा मान्यवरांच्या हस्ते भेट वस्तु देऊन सत्कार करण्यात आला.  यावेळी विश्वस्त उदय भिसे यांनी कार्यक्रमाची रूपरेषा स्पष्ट करून आगामी काळात इयत्ता दहावी आणि बारावीमध्ये नागोठण्यातील  ज्ञातीमधील जे विद्यार्थी 90% किंवा त्याहून अधिक टक्के गुण मिळवतील त्यांना ट्रस्टतर्फे पाच हजार रुपये रोख बक्षीस देण्यात येणार असल्याचे घोषित करून विद्यार्थ्यांना पुढील वाटचालीसाठी शुभेच्छा दिल्या. यावेळी पालकांतर्फे वर्षा देशपांडे यांनी आपले मनोगत व्यक्त केले. कार्यक्रमाचे सूत्रसंचालन विश्वस्त अजय अधिकारी यांनी केले.