कुडा बुद्ध लेणी येथे वर्षावास धम्म प्रबोधन मालिकेचा सांगता समारंभ उत्साहात संपन्न समता सैनिक दलाकडून प्राचीन लेणी व अनामिक दानकर्त्यांना मानवंदना शिल्पकारांना अनोखा सलाम साई-माणगाव (हरेश मोरे) :- तळा तालुक्यातील ऐतिहासिक कुडा बुद्ध लेणी येथे बुद्धिस्ट सोसायटी ऑफ इंडिया तथा भारतीय बौद्ध महासभा, रायगड जिल्हा दक्षिण पुरुष व महिला कार्यकारिणी यांच्या विद्यमाने, तळा तालुका पुरुष व महिला कार्यकारिणीच्या सहकार्याने आणि संस्कार विभागाच्या अधिपत्याखाली आयोजित करण्यात आलेल्या वर्षावास धम्म प्रबोधन मालिकेचा सांगता समारंभ अत्यंत मंगलमय आणि उत्साहपूर्ण वातावरणात संपन्न झाला. भारतीय बौद्ध महासभेचे राष्ट्रीय कार्याध्यक्ष तथा समता सैनिक दलाचे राष्ट्रीय अध्यक्ष आदरणीय डॉ. भीमराव यशवंत आंबेडकर यांच्या आदेशानुसार प्राचीन बुद्ध लेणींच्या ठिकाणी वर्षावास मालिकेतील कार्यक्रम आयोजित करण्याच्या सूचनेचे रायगड जिल्ह्यात काटेकोर पालन होत असल्याचे या कार्यक्रमातून अधोरेखित झाले. या सोहळ्याचे सर्वात प्रमुख आणि लक्षवेधी वैशिष्ट्य म्हणजे समता सैनिक दलाच्या वतीने प्राचीन बुद्ध लेणी आणि या लेणींची निर्मित...