अलिबागमध्ये 'श्री बापदेव लाईन बॉईज मित्र मंडळा'च्या वतीने सार्वजनिक साखरचौथ गणेशोत्सवाला उत्साहात सुरुवात विविध धार्मिक व सांस्कृतिक कार्यक्रमांची रेलचेल सुरू १५ वा साखरचौथ गणेशोत्सव सोहळा अलिबाग, दि. २९ (प्रतिनिधी) :- अलिबाग येथील प्रसिद्ध 'श्री बापदेव लाईन बॉईज मित्र मंडळ' यांच्या वतीने यंदा १५ व्या वर्षात पदार्पण करत 'लाईन बॉईजचा राजा' सार्वजनिक साखरचौथ गणेशोत्सव २०२६ मोठ्या भक्तीभावात आणि जल्लोषात सुरू आहे. सन २०१२ मध्ये स्थापन झालेल्या या मंडळाच्या वतीने आयोजित हा त्रिदिवसीय गणेशोत्सव सोमवार, २८ सप्टेंबर ते बुधवार, ३० सप्टेंबर २०२६ या कालावधीत संपन्न होत असून सध्या या महोत्सवामुळे संपूर्ण परिसरात भक्तीमय आणि मंगलमय वातावरण निर्माण झाले आहे. या महोत्सवाची सुरुवात सोमवार, २८ सप्टेंबर रोजी सायंकाळी ५ वाजता लाडक्या बाप्पाच्या वाजतगाजत आगमन सोहळ्याने अत्यंत उत्साही वातावरणात झाली आहे. महोत्सवांतर्गत आज मंगळवार, २९ सप्टेंबर रोजी सकाळच्या सत्रात १०.३० वाजता अत्यंत मंगलमय वातावरणात श्रींच्या मूर्तीची प्राणप्रतिष्ठापना करण्यात आली असून, त्यानंतर सकाळी ११ वाजता ...