सविस्तर बातमी पाहण्यासाठी येथे क्लिक करा...

माणगाव-लोणेरे येथे अखिल परिवाराचा भव्य प्रवेश सोहळा उत्साहात संपन्न

सुधाकर करकरे यांच्यासह विविध तालुक्यांतील कार्यकर्त्यांचा अखिल परिवारात जाहीर प्रवेश; संघटनात्मक बांधणीला नवे बळ

सुधाकर करकरे यांची माणगाव तालुकाध्यक्षपदी, तर बाळासाहेब खेडकर यांची जिल्हा उपाध्यक्षपदी निवड

लोणेरे-माणगाव (राम भोस्तेकर) :- माणगाव तालुक्यातील लोणेरे येथे अखिल परिवाराच्या वतीने भव्य प्रवेश सोहळा मोठ्या उत्साहात व मान्यवरांच्या उपस्थितीत संपन्न झाला. या सोहळ्यात माणगाव तालुक्यातील सुधाकर करकरे व त्यांच्या संपूर्ण मित्र परिवाराने अखिल परिवारात जाहीर प्रवेश केला. त्याचप्रमाणे श्रीवर्धन तालुक्यातील अमोल केतकर व त्यांच्या मित्र परिवारानेही संघटनेत प्रवेश केला. याशिवाय सुधागड-पाली येथील बाळासाहेब खेडकर आणि पनवेल येथील समीर धाडवे यांनीदेखील अखिल परिवारात प्रवेश करून संघटनेच्या कार्याला पाठबळ देण्याचा निर्धार व्यक्त केला. विविध तालुक्यांतील कार्यकर्त्यांच्या प्रवेशामुळे संघटनेच्या विस्ताराला आणि संघटनात्मक बांधणीला नवी दिशा मिळणार असल्याचा विश्वास यावेळी पदाधिकाऱ्यांनी व्यक्त केला.

या प्रवेश सोहळ्याचे विशेष आकर्षण म्हणजे संघटनेतील नव्याने प्रवेश केलेल्या कार्यकर्त्यांना महत्त्वाच्या जबाबदाऱ्या सोपविण्यात आल्या. सुधाकर करकरे यांची माणगाव तालुकाध्यक्षपदी, तर बाळासाहेब खेडकर यांची जिल्हा उपाध्यक्षपदी निवड करण्यात आली. या निवडीमुळे माणगावसह जिल्ह्यात संघटनेच्या कार्याला अधिक गती मिळेल, अशी अपेक्षा व्यक्त करण्यात आली.

महाराष्ट्रगीताने कार्यक्रमाला उत्साहपूर्ण सुरुवात

कार्यक्रमाच्या प्रारंभी संघटनेचे संजय घाडगे यांनी महाराष्ट्रगीताचे सुस्वर गायन करून उपस्थितांमध्ये उत्साह निर्माण केला. कार्यक्रमाचे प्रास्ताविक व सूत्रसंचालन संघटनेचे संचालक तथा संयुक्त चिटणीस दत्ताराम शिर्के यांनी केले. त्यांनी कार्यक्रमाचा उद्देश स्पष्ट करत नव्याने प्रवेश करणाऱ्या कार्यकर्त्यांच्या सहभागामुळे संघटना अधिक सक्षम होणार असल्याचे सांगितले.

संघटनेचे उपाध्यक्ष आदिनाथ पाटील यांनी संघटनेच्या कार्यपद्धतीबाबत तसेच आजपर्यंत राबविण्यात आलेल्या विविध उपक्रमांबाबत सविस्तर माहिती दिली. संघटनेच्या माध्यमातून समाजहिताची कामे, कार्यकर्त्यांचे संघटन आणि विविध प्रश्नांवर सातत्याने पाठपुरावा करण्याचे कार्य सुरू असल्याचे त्यांनी स्पष्ट केले.

कै. सुलभा दोंदे व अरुण दोंदे यांच्या कार्याचे स्मरण

यावेळी महिला सेलच्या राज्य सरचिटणीस रंजना केणी, संयुक्त चिटणीस किशोर मोहिते आणि सेवानिवृत्त संघटनेचे अध्यक्ष अमरचंद पाटील यांनी आपल्या मनोगतातून संघटनेच्या वाटचालीचा आढावा घेतला. संघटनेच्या उभारणीत आणि कार्यविस्तारात कै. सुलभा दोंदे व अरुण दोंदे यांनी दिलेल्या योगदानाचे विशेष स्मरण करण्यात आले. त्यांच्या कार्याचा आदर्श डोळ्यांसमोर ठेवून संघटनेची पुढील वाटचाल अधिक जोमाने करण्याची गरज यावेळी व्यक्त करण्यात आली.

संघटनेने आजपर्यंत केलेल्या कामांचा उल्लेख करताना पदाधिकाऱ्यांनी संघटनेची एकजूट, कार्यकर्त्यांची निष्ठा आणि संघटनात्मक शिस्त यांचे महत्त्व अधोरेखित केले. नव्याने प्रवेश केलेल्या कार्यकर्त्यांनी संघटनेच्या ध्येयधोरणांशी बांधिलकी ठेवून सक्रियपणे काम करावे, असे आवाहनही करण्यात आले.

संघटनेसाठी पूर्ण क्षमतेने योगदान देणार – अमोल केतकर

श्रीवर्धन तालुक्यातून आपल्या मित्र परिवारासह प्रवेश केलेले अमोल केतकर यांनी मनोगत व्यक्त करताना संघटनेच्या कार्यात पूर्ण क्षमतेने योगदान देण्याचा निर्धार व्यक्त केला. संघटनेने आपल्यावर दाखविलेल्या विश्वासाला पात्र ठरत संघटनात्मक कामात सक्रिय सहभाग घेणार असल्याचे त्यांनी आश्वासन दिले.

माणगाव तालुका अखिलमय करण्यासाठी प्रयत्नशील – सुधाकर करकरे

नवनियुक्त माणगाव तालुकाध्यक्ष सुधाकर करकरे यांनी आपल्या भाषणात संघटनेच्या विस्ताराचा निर्धार व्यक्त केला. आगामी काळात माणगाव तालुक्यात अखिल संघटनेला प्रथम क्रमांकावर नेण्यासाठी सर्व कार्यकर्त्यांना सोबत घेऊन काम केले जाईल, असे त्यांनी सांगितले.

माणगाव तालुक्यातील गावागावांत संघटनेचे कार्य पोहोचविणे, कार्यकर्त्यांची मजबूत फळी उभी करणे आणि तालुका अखिलमय करण्यासाठी सातत्याने प्रयत्न करणे, हे आपले प्रमुख उद्दिष्ट राहील, असे करकरे यांनी स्पष्ट केले. संघटनेच्या वरिष्ठ पदाधिकाऱ्यांच्या मार्गदर्शनाखाली सर्वांना विश्वासात घेऊन संघटनात्मक कामाला गती देण्याचा संकल्प त्यांनी व्यक्त केला.

संघटनेच्या कामाला अधिक बळकटी देणार – विनोद जोशी

जिल्हा सरचिटणीस तथा जिल्हा शिक्षण समितीचे स्वीकृत सदस्य विनोद जोशी यांनी संघटनेच्या माध्यमातून सुरू असलेल्या कामांचा उल्लेख केला. संघटनेची ताकद ही कार्यकर्त्यांच्या एकजुटीत असून नव्या कार्यकर्त्यांच्या प्रवेशामुळे संघटनात्मक कामाला अधिक बळ मिळणार असल्याचे त्यांनी सांगितले.

आगामी काळात संघटनेच्या कामाला अधिक बळकटी देण्यासाठी प्रयत्न केले जातील. विविध तालुक्यांतील कार्यकर्त्यांना एकत्रित करून संघटनेची व्याप्ती वाढविण्यावर भर दिला जाईल, असे आश्वासन त्यांनी दिले.

प्रवेश केलेल्या प्रत्येक कार्यकर्त्याला योग्य न्याय व सन्मान मिळेल – जिल्हाध्यक्ष सोपान चांदे

कार्यक्रमाच्या अध्यक्षीय भाषणात जिल्हाध्यक्ष सोपान चांदे यांनी नव्याने प्रवेश केलेल्या सर्व कार्यकर्त्यांचे स्वागत केले. संघटनेत प्रवेश करणाऱ्या प्रत्येक कार्यकर्त्याचा सन्मान राखला जाईल. त्यांच्या कार्याची योग्य दखल घेऊन त्यांना संघटनेमध्ये न्याय दिला जाईल, असे त्यांनी स्पष्ट केले.

संघटनेमध्ये जुन्या आणि नव्या कार्यकर्त्यांनी परस्पर समन्वय राखून काम करणे आवश्यक आहे. प्रत्येक कार्यकर्त्याला सोबत घेऊन संघटनेची ताकद वाढविण्यासाठी प्रयत्न केले जातील, असे त्यांनी सांगितले. नव्या पदाधिकाऱ्यांनी आपल्या जबाबदाऱ्या प्रामाणिकपणे पार पाडून संघटनेच्या प्रगतीसाठी योगदान द्यावे, असे आवाहनही चांदे यांनी केले.

मान्यवर पदाधिकारी व कार्यकर्त्यांची मोठ्या संख्येने उपस्थिती

या भव्य प्रवेश सोहळ्याला संघटनेचे सल्लागार संजय केणी, व्हाईस चेअरमन विष्णू सफरा, मोहन भोईर, कोषाध्यक्षा प्रतिभा मोरे, उपाध्यक्ष प्रकाश खडस, मोहन पाटील, शेखर बोरकर, सिताराम जाधव, सुषमा शिंदे, जिल्हा पदाधिकारी अविनाश कोळेकर, सुरेंद्र शिंदे, उमेश म्हात्रे, परशुराम बिर्हाडी, पेणचे संचालक सतीश वाघ, उज्वला सारंगे, सुमित्रा खेडेकर, कायदेशीर सल्लागार सुरेश म्हात्रे, संतोष म्हात्रे, पोलादपूर तालुका नेते परशुराम मोरे, पनवेल महानगरपालिका अध्यक्ष ज्ञानेश्वर आलदर, रेपाळ, सतीश शिकारे, नागनाथ चव्हाण, खालापूर अध्यक्ष अनिल सारंगे, अरुण मोरे, विजय कुंभार रोहकले, मंदार सोनटक्के, समाधान पाटील, संदीप पाटील, अजित उपरे आदी मान्यवर उपस्थित होते.

तसेच माणगाव येथील सतीश ढेपे, विवेक जाधव, विठोबा शिंदे, कुमार उपरे, सुहास चांदोरकर, जयेंद्र वाघमारे, मंगेश जाधव, नंदू शिरसागर, दीपक शिवदे, सुधीर निकम, गणेश ढेपे, रोहिदास पवार, बाळासाहेब पवार, समीर पाष्टे, चांदिवडे, अमोल कदम, साधना करकरे, सायली चांदोरकर, सुनिता माने, गायत्री भोईर, प्राची शिंदे, लतिका गोरेगावकर, स्मिता पाटील, मालती टेंबे, मंगला भोसले, सोनल कुडाळकर, संपदा जंगम, सोनाली सूर्यवंशी, वृंदाराणी शिंदे, मंगला झाडबुके, बंडगर, सुभाष हाटे, अशोक जाधव, अमोल हांगे, चंद्रकांत जंगम, संगीता शिगवण, परशुराम चव्हाण, नारायण ढेपे, राजेंद्र शिर्के, संतोष कोदे, वानखेडे, नितीन सुर्वे, प्रेमकुमार, वैभव सूर्यवंशी, गजानन ताम्हाणे, सुरज भुवड यांच्यासह संघटनेचे पदाधिकारी, महिला कार्यकर्त्या आणि सदस्य मोठ्या संख्येने उपस्थित होते.

नव्या प्रवेशामुळे संघटनात्मक विस्ताराला चालना

माणगाव, श्रीवर्धन, सुधागड-पाली आणि पनवेल परिसरातील कार्यकर्त्यांनी अखिल परिवारात केलेल्या प्रवेशामुळे संघटनेच्या कार्याला नवी ऊर्जा मिळाल्याचे या सोहळ्यातून दिसून आले. नव्या कार्यकर्त्यांचा उत्साह, वरिष्ठ पदाधिकाऱ्यांचे मार्गदर्शन आणि संघटनात्मक एकजूट यांच्या बळावर आगामी काळात संघटनेचा विस्तार अधिक प्रभावीपणे करण्याचा निर्धार व्यक्त करण्यात आला.

माणगाव तालुकाध्यक्ष आणि जिल्हा उपाध्यक्षपदी झालेल्या नव्या नियुक्त्यांमुळे स्थानिक पातळीवरील संघटनात्मक कामाला अधिक गती मिळण्याची अपेक्षा आहे. संपूर्ण कार्यक्रम उत्साहपूर्ण वातावरणात पार पडला. कार्यक्रमाच्या शेवटी राजेंद्र धोत्रे यांनी उपस्थित मान्यवर, पदाधिकारी, नव्याने प्रवेश केलेले कार्यकर्ते आणि कार्यक्रम यशस्वी करण्यासाठी सहकार्य करणाऱ्या सर्वांचे आभार मानले.