पंकज तांबे यांचा वाढदिवस विविध उपक्रमांनी साजरा

साई /माणगांव (हरेश मोरे) :- तालुक्यातील सामाजिक कार्यकर्ते पंकज तांबे यांचा वाढदिवस माणगांव तालुक्यातील अनेक शाळेत विविध उपक्रमानी 1 जुलै रोजी उत्साहात साजरा करण्यात आला. माणगांव तालुक्यातील बामणोली, साई, मागवली, साले, जुने माणगांव उर्दू शाळा येथे पंकज तांबे यांच्या वाढदिवसानिमित्त खाऊ वाटप करण्यात आला.

तसेच विद्यार्थी यांना शैक्षणिक साहित्य वाटप व झाडे वाटप, महिला बचत गटसाठी शिलाई मशीन वाटप करण्यात आले.अनेक वर्षांपासून शैक्षणिक व समाज हिताचे कामात अग्रेसर असतात. माणगांव तालुक्यातील गोरगरीब शेतकरी यांच्या साठी नेहमी उपयोगी पडणारे पंकज तांबे यांचे ऋणानुबंधन समाजात कायमचे स्मृतीत राहणार आहेत.

 यावेळी साई येथील सामाजिक कार्यकर्ते पांडुरंग मोरे, बामणोली ग्रामपंचायत सरपंच सुवर्णा सकपाळ, माजी सरपंच माधुरी वाढवल, माजी उपसरपंच प्रविण पाखुर्डे, स्वप्निल शिर्के, देवेंद्र राऊत, मुकुंद वाढवल, सावित्रीबाई महिला बचत गट मागवली व सामाजिक कार्यकर्ते उपस्थित होते.