जे एम म्हात्रे चॅरिटेबल संस्थे तर्फे विमानतळ रोजगार मार्गदर्शन
पनवेल (साबीर शेख) :- विमानतळ रोजगार मार्गदर्शन शिबिराचे पहिले शिबिर ७०० पेक्षा जास्त तरुणांच्या उपस्थितीत यशस्वीरित्या पनवेल मधील व्ही. के. हायस्कूल येथे पार पडले. यावेळी उपस्थित तरुणांना सुनील गायकवाड (एक्स. सीनियर मॅनेजर,एअर इंडिया कमर्शियल डिपार्टमेंट),भूषण खैरे (एअरपोर्ट ऑपरेशन्स इन,कॉन्टस ऑस्ट्रेलियन एअरलाइन्स), सर्वेश पाटील (कस्टमर एक्झिक्युटिव्ह, एअर इंडिया मुंबई एअरपोर्ट), रुद्राश गोवारी (एअर इंडिया, गोवा एअरपोर्ट), वसीम सर (फिनिक्स एअरपोर्ट ट्रेनिंग अकॅडमी) यांनी मार्गदर्शन केले.
यामध्ये प्रामुख्याने नोकरी कोणत्या एअरलाइन्स मध्ये आहेत, मुलाखाती साठी जाताना कसा युनिफॉर्म पहिजे, आपले दास्तावेज कशाप्रकारे असावेत, कामाचं स्वरूप काय आहे, कामाची वेळ किती तास आणि कुठल्या शिफ्ट असतात, तुमच्या आत्मविश्वासावर, बोलण्याच्या कलेवरती आणि शिक्षणावर तुमचं योग्यता होतं अशा प्रकारे मार्गदर्शन उपस्थित अनेक युवक युवतींना मिळाले. इंग्रजी आणि हिंदी या दोन भाषेचे ज्ञान असणे महत्त्वाचे असल्याने त्या बद्दल सविस्तर मार्गदर्शन करण्यात आले.
यावेळी प्रमुख पाहुणे म्हणून मा.आमदार बाळाराम पाटील, काशिनाथ पाटील(मा.प..पं.स. सभापती), मा. गोपाळ भगत,मा.नगरसेविका प्रीती जॉर्ज आणि सारिका भगत, देवा पाटील (जिल्हाध्यक्ष पु.यु.सं.रायगड), बबन विश्वकर्मा हे उपस्थित होते.
"भविष्यात आपल्या पनवेल मध्ये सुरू होणाऱ्या स्व. दि. बा. पाटील आंतरराष्ट्रीय विमानतळात आपल्या विभागातील जास्तीत जास्त तरुण नोकरीसाठी तांत्रिकदृष्ट्या सक्षम होतील त्या दृष्टीने उचललेले हे पहिले पाऊल आहे. या पुढील भविष्यात अशा प्रकारे विविध शिबिर शेतकरी कामगार पक्ष आणि जे. एम. म्हात्रे चॅरिटेबल संस्थेच्या माध्यमातून राबवण्याचा माझा मानस आहे."
- प्रितम जनार्दन म्हात्रे, अध्यक्ष : जे. एम. म्हात्रे चॅरिटेबल संस्था
