साई प्राथमिक आरोग्य केंद्रात आरोग्य शिबीर संपन्न

साई/माणगांव : हरेश मोरे 

तालुक्यातील साई प्राथमिक आरोग्य केंद्रात 15 सप्टेंबर रोजी महात्मा ज्योतिबा फुले जन आरोग्य योजना आरोग्य शिबीर आयोजित करण्यात आले होते. उपजिल्हा रुग्णालय माणगांव जिल्हा रायगड मार्फत महात्मा ज्योतिबा फुले जन आरोग्य विमा योजने अंतर्गत मोफत तपासणी व निदान करण्यासाठी शिबीर आयोजित केले होते.

या शिबिरात स्त्री रोग, अस्थिव्यंग, मूत्रपिंड व मूत्रमार्ग विकार, बालरोग, जठर व आतडे शस्त्रक्रिया यांची तपासणी करण्यात आली. या शिबिरात 127 स्त्री व पुरुष तसेच लहान बालके यांची तपासणी करण्यात आली.

या शिबिरात डॉ. सुनीता कोकणे, डॉ. श्वेता भौड, डॉ. चैत्राली पवार, डॉ. वसुंधरा साकोलीकर यांनी तपासणी व निदान केले. तसेच अंकिता पोवार, कविता वाघमारे, मयुरी कासारे, अनिशा महाडिक, फातिमा कुरेशी, यालवा शेख, ऋतिका शिंदे, व्ही. व्ही. चव्हाण, जे. के. शिंदे व त्यांचे सहकारी सुद्धा उपस्थित होते.