भाजपचे माजी तालुका अध्यक्ष डॉ. मनोज पाथरे यांचा शिवसेनेत जाहीर प्रवेश 

तळा (संजय रिकामे) : तळा नगरपंचायतीच्या निवडणूकिच्या पार्श्वभूमीवर शिवसेना पूर्वतयारीला लागली असून भाजपचे माजी तालुका अध्यक्ष डॉ. मनोज पाथरे यांनी महाड-पोलााापूरचे आमदार भरतशेठ गोगावले यांच्या मुख्य उपस्थितीत भगवा झेंडा हाती घेत शिवसेनेत जाहीर प्रवेश केला. यावेळी जिल्हा प्रमुख अनिल नवगणे, तालुका प्रमुख प्रदुम्न ठसाळ, शहरप्रमुख राकेश वडके, विभाग प्रमुख दिपक चिंचाळकर, लिलाधर खातु, नमित पांढरकामे, गुरूदास तळकर व तमाम शिवसैनिक  उपस्थितीत होते. 

नगरपंचायत निवडणुकीपूर्वी भाजप पक्षाचा अनुभवी कार्यकर्ता सेनेच्या गळाला लागला आहे. डाॅ. पाथरे यांंनी भाजप पक्षाची मुहूर्तमेढ तळा तालुक्यात रोवली होती. मागील पाच वर्षे राज्यात एक हाती सत्ता असताना विकासकामांची मागणी केलेली असताना एकही काम भाजपाने केले नाही. निवेदनांना फक्त वाटाण्याच्या अक्षदा दिल्या. शिवसेनेचा विकास कामाचा झंझावात व तळा शहरासाठी नियोजित पाणी पुरवठा योजना महत्त्वाच्या विकासावर प्रभावीत होऊन आमदार भरतशेठ गोगावले व जिल्हाप्रमुख अनिल नवगणे यांच्या कार्यप्रणालीवर विश्वास ठेवून शिवसेनेचा भगवा झेंडा हाती घेतला आहे अशी प्रतिक्रीया डाॅ. पाथरे यांनी दिली.