मा. आ. श्री विवेकानंद शंकर पाटील यांच्या ६८ व्या वाढदिवसानिमित्त रा.जि.प. शाळा कसारभाट येथे वृक्षारोपण कार्यक्रम संपन्न
वाघेश्वर नगरातील कथित अनधिकृत बांधकामाला पाणी जोडणी? ग्रामपंचायत रोठ खुर्दकडे प्रदीप मोरे यांची तक्रार सखोल चौकशीची मागणी रोहा-रायगड, दि. ३० (किरण मोरे) :- वाघेश्वर नगर परिसरात सुरू असलेल्या एका इमारतीच्या बांधकामावरून आणि त्या बांधकामाला देण्यात आलेल्या नळजोडणीवरून नवा वाद निर्माण झाला आहे. सदर बांधकाम कथितरीत्या अनधिकृत असल्याचा आरोप करत ग्रामपंचायत रोठ खुर्दकडे याप्रकरणी लेखी तक्रार दाखल करण्यात आली आहे. स्थानिक नागरिक प्रदीप काशिनाथ मोरे यांनी २३ सप्टेंबर २०२६ रोजी ग्रामसेवक तथा प्रशासक यांच्याकडे ही तक्रार नोंदवून संपूर्ण प्रकरणाची सखोल व तातडीने चौकशी करण्याची मागणी लावून धरली आहे. तक्रारीत नमूद केल्यानुसार, वाघेश्वर नगर येथे एका इमारतीचे बांधकाम सध्या सुरू असून सदर बांधकामाबाबत ग्रामस्थांमध्ये तीव्र असंतोष आहे. हे बांधकाम विनापरवाना व अनधिकृत असल्याचा संशय स्थानिक व्यक्त करत आहेत. त्यातच या बांधकामाच्या जागेवर थेट नळजोडणी देण्यात आल्याचे उघडकीस आल्याने ग्रामस्थांच्या भुवया उंचावल्या आहेत. नागरिकांना पिण्यासाठी उपलब्ध असलेल्या पाण्याचा गैरवापर जर व्यावसायिक इमारतीच्...
Comments
Post a Comment