क्लॅरियंट कंपनीच्या प्रदुषणामुळे नागरिकांच्या आरोग्याला धोका!
प्रदूषण नियंत्रण मंडळाचे दुर्लक्ष
रोहा : किरण मोरे
क्लॅरियंट कंपनीच्या परिसराला प्रदूषणाचे ग्रहण लागलेले असून या कंपनीच्या प्रदूषणामुळे या परिसरातील स्थानिक नागरिकांच्या आरोग्याला धोका निर्माण झालेला आहे. ही भयानक समस्या असताना देखील प्रदूषण नियंत्रण मंडळ गप्प का आहे? येथील अधिकारी निष्क्रीय झाले आहेत का? असा प्रश्न येथील नागरिकांसमोर उभा राहिलेला आहे.
क्लॅरियंट कंपनीकडून रात्रीच्या अंधाराचा फायदा घेऊन व पावसाच्या पाण्याचा फायदा घेऊन मोठ्या प्रमाणात प्रदूषण सोडले जात असल्यामुळे नागरिकांचे जीवनमान धोक्यात आलेले आहे.
प्रदूषण नियंत्रण मंडळाकडून या कंपनीविरूद्ध प्रदूषणासंदर्भात कारवाई का केली जात नाही? प्रदूषण नियंत्रण मंडळ निष्क्रीय झालेय का? असे प्रश्न येथे उपस्थित होऊ लागले आहेत. परिणामी या कंपनीच्या प्रदूषणासंदर्भात उच्चस्तरिय चौकशी होणे गरजेचे आहे.
