विनापरवाना खैर वाहतूक करणारा ट्रक रोहा वनविभागाने पकडला! 

आरोपीसह ६ लाख २९ हजारांचा मुद्देमाल जप्त

रोहा : समीर बामुगडे

विनापरवाना खैर वाहतूक करणारा ट्रक रोहा वनविभागाने पकडला असून आरोपीसह ६ लाख २९ हजार १२९ रूपयांचा मुद्देमाल जप्त करण्यात आला आहे.

उपवनसंरक्षक रोहा श्री अप्पासाहेब निकत व सहाय्यक वनसंरक्षक रोहा श्री विश्वजित जाधव यांच्या मार्गदर्शनाखाली वनक्षेत्रपाल संरक्षण व अतिक्रमण निर्मूलन रोहा श्री विकास रा.भामरे व स्टाफ श्री आर.जी.पाटील, वि.टी.ठाकूर वनपाल फिरते पथक रोहा, वनरक्षक फिरते पथक रोहा अजिंक्य कदम, पोपट करांडे, वनरक्षक पळसगाव अक्षय मोरे यांनी दिनांक 20/06/2022 रोजी रात्री 00.34 वाजता मिळालेल्या गुप्त बातमीवरून माणगांव मुंबई-गोवा रस्त्यावर गस्त करीत असताना टाटा ट्रक क्रमांक MH41/G7330 ची  तपासणी केली असता खैर वृक्षाची अवैध वृक्षतोड करून तयार केलेला खैर सोलिव माल 14.000 घ.मी.किंमत 1,29,129/- व टाटा ट्रक क्रमांक MH41/G7330 अंदाजे किंमत  5,00,000/- विनापरवाना वाहतूक करीत असताना आढळून आला. सदर वाहनावर भारतीय वनअधिनियम 1927 अंतर्गत वन गुन्हा दाखल करून वाहन व खैर सोलीव माल असा 6,29,129/-- रुपये इतका मुद्देमाल जप्त करण्यात आला. सदर गुन्हे प्रकरणी वाहन चालक मालक अफजल नजीर खान रा. भिवंडी, जिल्हा. ठाणे याच्यावर गुन्हा दाखल करण्यात आला आहे.