रायगड जिल्हा परिषद शाळा मालसई येथे जागतिक महिला दिन उत्साहाने साजरा
रोहा (रविना मालुसरे) : जागतिक महिला दिनानिमित्ताने रायगड जिल्हा परिषद शाळा मालसई, ता. रोहा येथे गावातील कर्तृत्ववान महिलांना सन्मानित करण्यात आले.
ग्रुप ग्रामपंचायत मालसई येथील नवनियुक्त सरपंच सौ. रसिका हेमंत मालुसरे, ग्रुप ग्रामपंचायत सदस्या सौ. उस्मिता अनिल आयरे, जिव्हाळा चॅरिटेबल ट्रस्टच्या मॅनेजिंग ट्रस्टी तथा पत्रकार कु. रविना नारायण मालुसरे, अंगणवाडी मदतनीस सौ. भारती एकनाथ मोहिते, शाळा व्यवस्थापन समिती सदस्या सौ. सुजाता सुधीर चाळके, शालेय पोषण आहार स्वयंपाकी सौ. नम्रता नथुराम तेलंगे व शाळेच्या मुख्याध्यापिका श्रीमती पुष्पलता नथुराम शिंदे यांना शाळेच्या वतीने सन्मानित करण्यात आले.
या कार्यक्रमासाठी श्री. दिपक रघूनाथ मांडलुस्कर व निवडक महिलावर्ग उपस्थित होता. कार्यक्रमाचे सुत्रसंचलन उपशिक्षक श्री. अरुण आगळे यांनी केले.
