सविस्तर बातमी पाहण्यासाठी येथे क्लिक करा...

दिघी सागरी पोलीस ठाणे येथे सहाय्यक पोलीस निरीक्षक महेंद्र शेलार यांचा सत्कार व निरोप समारंभ संपन्न

बोर्लीपंचतन (मुजफ्फर अलवारे) : बोर्लीपंचतन येथील दिघी सागरी पोलीस ठाण्याचे प्रभारी सहाय्यक पोलीस निरीक्षक म्हणून कार्यरत असलेले श्री. महेंद्र शेलार यांना पोलीस निरीक्षकपदी बढती मिळाली असुन बढतीनंतर त्यांची मिरा-भाईंदर, वसई-विरार येथे नियुक्ती झाली असून लवकरच ते तेथील पोलीस निरीक्षक पदाचा कार्यभार स्विकारतील. त्यांचा निरोप व सत्कार समारंभाचा कार्यक्रम दिघी सागरी पोलीस ठाण्यात कोरोना संसर्गाचे नियम पाळून आयोजीत करण्यात आला होता. यावेळी ऊपस्थितांसमोर आपले मनोगत व्यक्त करताना ते म्हणाले की, बोर्लीपंचतन येथे २००५ रोजी उसळलेल्या दंगलीतून या पोलीस ठाण्याची निर्मिती झाल्याचे समजते. परंतु मी येथील पदभार स्विकारल्यापासून येथे कोणताही जातीभेद व धर्मभेद मला जाणवला नाही. सर्व जाती धर्माचे लोक येथे गुण्या गोविंदाने व एकमेकांच्या अडीअडचणीत मदतीला धावत असतात. इथे गुन्हेगारीसुध्दा खूप कमी आहे. सर्वपक्षीय स्थानिक पुढारी, स्थानिक प्रशासन, पत्रकार व नागरीक यांचे कोरोना काळतील टाळेबंदीमध्ये माझ्या सहकाऱ्यांच्या सहाय्याने कर्तव्य बजावीत असताना मोलाचे योगदान लाभले.