चिंचवलीचे सुपुत्र पोलीस हवालदार रुपेश भोनकर यांचा रायगड जिल्हा पोलीस अधीक्षक अशोक दुधे यांच्याकडून सन्मान व बढती
रायगड (भिवा पवार) : रोहा तालुक्यातील कोलाड जवळ असणारी चिंचवली तर्फे दिवाळी येथील माजी सरपंच व ज्येष्ठ सामाजिक कार्यकर्ते पांडुरंग भोनकर यांचे सुपुत्र रुपेश भोनकर हे सध्या खालापूर पोलीस ठाण्यात पोलीस नाईक या पदावर कार्यरत आहेत. कर्तव्यदक्ष व कार्यतत्पर पोलीस रुपेश भोनकर यांचा रायगड जिल्हा पोलीस अधीक्षक अशोक दुधे यांनी स्वतःच्या हाताने फीत लावून सन्मान केला. पोलीस दलात बढती मिळालेल्या अनेक कर्मचाऱ्यांचा सुद्धा स्वतःच्या हाताने फित लावून सन्मान करण्यात आला. यामध्ये चिंचवली गावचे सुपुत्र रुपेश भोनकर यांचाही समावेश आहे.
रायगड जिल्हा पोलिस अधीक्षक म्हणून नुकतेच जबाबदारी स्विकारलेले अशोक दुधे यांनी 'पोलीस अधीक्षकांच्या हस्ते बढती देणे' हा संकल्प पहिल्यांदाच राबवला असून या संकल्पनेबाबत कर्मचारी वर्गात आनंद व्यक्त केला जात आहे. त्यामध्ये चिंचवलीचे सुपुत्र सध्या खालापूर पोलीस ठाण्यात असणारे कार्यतत्पर व कर्तव्यदक्ष म्हणून असणारे पोलीस नाईक रुपेश भोनकर यांना हवालदार म्हणून बढती मिळाली आहे. याबाबत परिसरातील जिल्हा परिषद सदस्य दयाराम पवार, कोलाड हायस्कूलचे प्राचार्य शिरीष येरुणकर, पत्रकार भिवा पवार यांनी त्यांचे अभिनंदन केले आहे. तसेच माजी तंटामुक्ती अध्यक्ष प्रफुल्ल भोनकर व चिंचवली ग्रामस्थ यांनीही त्यांचे अभिनंदन केले आहे. पोलीस हवालदार रुपेश भोनकर यांना बढती मिळाल्याबाबत कोलाड परिसरातून आनंद व्यक्त केला जात असून पोलीस हवालदार रुपेश भोनकर यांच्यावर अभिनंदनाचा वर्षाव होत आहे.
