कोरोना : बुलढाण्यात आणखी एक रिपोर्ट पाॅझिटीव्ह, २ निगेटीव्ह
बुलढाणा (सचिन पाटील) : आज गुरुवार २ एप्रिल रोजी आणखी एक रिपोर्ट पाॅझिटीव्ह, २ निगेटिव्ह आले आहेत व ३ रिपोर्ट अजून येणे बाकी असल्याची माहिती जिल्हा शल्य चिकित्सक डाॅ. प्रेमचंद पंडित यांनी दिली.
बुलडाणा शहरात कोरोना पॉझिटीव्ह संख्या आता ५ आहे व त्यातील एक जण आधीच मृत झालेला आहे.
विशेष म्हणजे काल बुधवार १ एप्रिल रोजी सायंकाळी हायरिक्स मधील प्रलंबित ८ ही रिपोर्टस निगेटीव्ह आल्याने दिलासा मिळाला होता.
पण आज हायरिस्क मध्ये नसलेल्या ६ पैकी ३ प्राप्त रिपोर्टपैकी १ जण पॉझिटीव्ह व २ निगेटीव्ह आले आहेत. त्यातील अजून ३ रिपोर्ट येणे बाकी आहेत.
आज पॉझिटीव्ह आलेला त्या मृत व्यक्तीच्या संपर्कातीलच असल्याचे कळते.
बुलडढाणेकर व जिल्हावासीयांनो काळजी घ्या व कृपया घरातच थांबा असे आव्हान शासकीय यंत्रणेकडून करण्यात येत आहे.
