स्वच्छ भारत अभियान उपक्रमांतर्गत युवा नेते महेशदादा ठाकूर यांच्या वाढदिवसानिमित्त कोलाड विभागात डस्टबीनचे वाटप
रोहा : प्रतिनिधी
पंतप्रधान नरेंद्र मोदीजी यांच्या वाढदिवसाचे औचित्य साधून तसेच महात्मा गांधी जयंती सेवा पंधरवडा १६ सप्टेंबर ते २ ऑक्टोबर या काळात स्वच्छ भारत अभियान उपक्रमांतर्गत तसेच महाराष्ट्राचे कॅबिनेट मंत्री रविंद्र चव्हाण यांच्या वाढदिवसाचे औचित्य साधून भाजप युवा नेते महेशदादा ठाकूर यांनी आपल्या वाढदिवसानिमित्त कोलाड विभागात स्वच्छता डस्टबीनचे वाटप केले.
याप्रसंगी भाजप जिल्हा युवा मोर्चा अध्यक्ष अमित घाग, रोहा तालुका मंडळ अध्यक्ष सोपान जांभेकर, ज्येष्ठ नेते विष्णू मोरे, तानाजी आप्पा देशमुख, देवरे साहेब यांच्यासह विविध मान्यवरांच्या शुभहस्ते डस्टबीनचे वाटप करण्यात आले. यावेळी गावातील ग्रामस्थ, महिला मंडळ व युवक कार्यकर्ते मोठ्या प्रमाणात उपस्थित होते.
