भिसे खिंडीत कोळशाचा ट्रक व मोटारसायकल भीषण अपघात; दोन ठार
संरक्षक कठडा तोडून ट्रक खिंडीत खाली कोसळला
नागोठणे : महेंद्र माने
नागोठणेजवळील भिसे खिंडीत रविवार 11 सप्टेंबर रोजी दुपारच्या सुमारास कोळशाने भरलेल्या ट्रॅकने मोटारसायकलला धडक देऊन ट्रक खिंडीत खाली कोसळला. या भीषण अपघातात ट्रक व मोटारसायकल चालकाचे जागेवरच निधन झाले आहे.
नागोठणे रोहा शहरांना जोडणार्‍या भिसे खिंडीमध्ये रविवार 11 सप्टेंबर रोजी दुपारच्या सुमारास नागोठणे बाजूकडून रोहा बाजूकडे जाणार्‍या MH 06 BC 7231 या मोटारसायकलला रोहा बाजूकडुन नागोठणे बाजूकडे रस्त्याच्या उतारावरील वळणावरुन जाणार्‍या MH 13 AX 2987 या कोळशाने भरलेल्या ट्रकने जोरदार धडक दिली. या धडकीत ट्रक हा मोटारसायकल चालकाला घेऊन संरक्षक कठडा तोडून खिंडीत खाली कोसळला. यामध्ये ट्रक चालकाचा मृत्यू झाला. अपघात होताच आमडोशी व आजू बाजूच्या गावातील लोकांनी मदत कार्य करण्यासाठी येऊन मोटारसायकल चालकाचा शोध घेतला असता मोटारसायकल चालक हा बराच वेळ सापडला नाही. अधिक शोध घेतला असता ट्रक मधील कोलशा बाजूला केल्यानंतर मोटारसायकल चालकाचा मृतदेह कोलशाखाली अडकलेल्या स्थितीत सापडला. घटना स्थळी रोहा डी.वाय.एस.पी. किरणकुमार सूर्यवंशी यांनी भेट दिली असून पोलिस निरीक्षक राजन जगताप यांच्या मार्गदर्शनाखाली नागोठणे पोलिस मदत कार्य करीत आहेत. अपघातानंतर मदत कार्य चालू झाल्यानंतर खिंडीमध्ये दोन्ही बाजूला वाहनाच्या लांबच लांब रांगा लागल्या होत्या.
