भाजपाच्या वतीने बावनकुळे यांना दिल्या शुभेच्छा; महामार्गावरील खड्ड्यांचेही दिले निवेदन
नागोठणे : महेंद्र माने
नागोठणे येथील भाजपाच्या वतीने चंद्रशेखर बावनकुळे यांचे भाजपाचे प्रदेशाध्यक्षपदी नेमणूक झाल्याबद्दल स्वागत व शुभेच्छा देऊन मुंबई-गोवा राष्ट्रीय महामार्गावरील रस्त्यावर जागोजागी पडलेल्या खड्ड्यांबाबत एक निवेदन दिल्याची माहिती शहराध्यक्ष सचिन मोदी यांनी दिली.
अधिक माहिती देताना सचिन मोदी यांनी सांगितले की,येथील हॉटेल कामथ गोविंदामध्ये चंद्रशेखर बावनकुळे यांच्या उपस्थितीत काही दिवसात होत असलेल्या केंद्रीय मंत्री यांच्या दौराबाबत येण्यात आलेल्या बैठकीमध्ये नागोठणे भाजपाच्या वतीने चंद्रशेखर बावनकुळे यांची भाजपा महाराष्ट्र प्रदेशाध्यक्षपदी नेमणूक झाल्याबद्दल शाल,श्रीफळ व पुष्पगुच्छ देऊन स्वागत करून पुढील वाटचालीस शुभेच्छा दिल्या. तसेच महामार्गावरील खड्ड्यांबाबत दिलेल्या निवेदनात महामार्गावर पाडलेल्या खड्ड्यांमुळे नेहमी अपघात होत असून अनेक प्रवाशी जखमी होत आहेत. त्याच प्रमाणे थोड्याच दिवसात गणेशोत्सव येत असून कोकणात जाणार्‍या चाकरमान्यांना आपला प्रवास सुखकर होण्यासाठी लवकरात लवकर खड्डे भरण्याबाबत निवेदन दिले. याबाबत केंद्रीयमंत्री ना.नितिन गडकरी यांच्या बरोबर चर्चा करून संबधित खात्याला आदेश देण्याची विनंती करणार असल्याचे बावनकुळी यांनी सांगितल्याची माहिती सचिन मोदी यांनी दिली. यावेळी भाजपा जिल्हा संयोजक सोपान जांभेकर, जिल्हा संघटन सरचिटणीस सतीश धारप, पेण विधानसभा समन्वयक वैकुंठ पाटील, तालुका सरचिटणीस आनंद लाड, पेण नगराध्यक्षा प्रीतम पाटील, ललित पाटील यांच्यासह विभागातील भाजपा पदाधिकारी व सदस्य उपस्थित होते.
