धर्मफेरीचे मुख्य आकर्षण ठरली भारत मातेच्या भूमिकेतील निष्ठा म्हात्रे

नागोठणे : महेंद्र माने

नागोठणे येथील हिंदू जनजागृती मंचच्या वतीने रविवार 07 ऑगस्ट रोजी भगव्या वातावरणात संपन्न झालेल्या धर्मफेरीचे मुख्य आकर्षण भारत मातेच्या भूमिकेतील निष्ठा म्हात्रे ही बाल कलाकार ठरली आहे.

रविवार 07 ऑगस्ट रोजी नागोठणे नगरीत भगव्या टोप्या परिधान केलेल्या हिंदू बांधव-भगिनीसह शेकडो तरुण-तरुणींच्या जयघोषाने परिसर दुमदुमत निघालेली धर्मफेरी संपूर्ण शहरात फिरविण्यात आली. या फेरीच्या अग्रस्थानी धर्मध्वज हातात घेतलेली भारत मातेच्या भूमिकेतील कु.निष्ठा किशोर म्हात्रे ही इयत्ता सातवी मधील बाल कलाकार सर्वांचे मुख्य आकर्षण ठरली आहे. निष्ठा हिने सतत तीन ते चार तास धर्मफेरीमध्ये धर्मध्वज हातात घेऊन शहरात न थकता प्रसन्न चेहर्‍याने सहभाग घेतल्याबद्दल तिचे विभागातून कौतुक होत आहे.