कर्नाळा येथील ६ वर्षीय मुलगा अचानक बेपत्ता 

तळा (संजय रिकामे) : तळा तालुक्यातील कर्नाळा येथील ६ वर्षाचा कु. निलेश महादेव शिगवण रा. कर्नाळा दि.१५ मे २१ रोजी दुपारी ११ ते १ वाजण्याच्या दरम्यान बोरघर हद्दीतील नावरी नावाच्या जंगलातून मधल्या वाटेने आपल्या नातेवाईकांसोबत तळा ते कर्नाळा गावाकडे जात असताना अचानक बेपत्ता झाल्याची घटना घडली आहे. तळा पोलीस सुत्रांकडून मिळालेल्या माहितीनुसार कु. निलेश महादेव शिगवण हरवण्याच्या आधी त्याच्या सोबत त्याची आई व भाऊ होते.वाटेत आई  नैसर्गिक विधी साठी बाजूला गेली असता ही दोन मुले तिथे होती त्यानंतर कु.निलेश दिसून न आल्यानेआई व दुसऱ्या मुलाने शोधाशोध केली. बराच वेळ शोधूनही न सापडल्याने गावात गेल्यावर ग्रामस्थांना सांगीतल्यावर गाव परिसरात नातेवाईक, व संपूर्ण नदी, विहीरी शोधून काढल्या असता न मिळाल्याने तळा पोलीस ठाण्यात तक्रार दाखल करण्यात आली असून पोलीस पथक आणि सामाजिक कार्यकर्ते निलेशचा शोध घेत आहेत सदर मुलगा अचानक गायब झाल्याने भिती व्यक्त केली जात आहे. या मुलाचे वडील विकलांग असून आईचे मानसिक स्वास्थ्य बरे नसून या चुणचुणीत हुशार मुलासाठी ग्रामस्थ मंडळ अहोरात्र मेहनत घेऊन तपास करीत आहेत. यासाठी खाजगी ड्रोन कँमेरा मागविण्यात आला असून युद्ध पातळीवर शोध सुरू आहे.सदर मुुलगा आढळून आल्यास ०२१४०-२६९०३३  या फोन नं वर संपर्क साधावा असे आवाहन ग्रामस्थांनी केले आहे.तळा पोलीस ठाणे येथे अज्ञात इसमा विरुद्ध भा.द.वि.कलम ३६३ प्रमाणे नोंद करण्यात आली असून पोलीस निरीक्षक सुरेश गेंगजे यांचे मार्गदर्शना खाली पुढील तपास सहाय्यक पोलीस निरीक्षक शिवराज खराडे करीत आहेत.