खोपोलीमध्ये अनोळखी इसमाचा मृत्यू 

खोपोली : खोपोली पोलीस ठाण्याच्या हद्दीतील मुळगांव-शिळफाटा येथे एका अनोळखी इसमाचा मृतदेह बेवारस स्थितीत आढळून आलेला असून अद्यापही त्याची ओळख पटलेली नाही. 

या मयत इसमाचे वय सुमारे ३५ ते ३८ वर्षे, उॉची सुमारे १२५ सें.मी., चेहऱ्यावर सफेद रंगाची तुरळक दाढी, अंगाने सडपातळ, केस काळे-पांढरे, नाक सरळ, चेहरा उभट, रंग काळा-सावळा असे वर्णन असून अद्यापही त्याची ओळख पटलेली नाही. त्याच्या नातेवाईकांचा शोध होणे आवश्यक असल्याने सदर मयत इसमाबाबत कुणालाही काही माहिती असल्यास खोपोली पोलीस ठाणे येथे संपर्क साधावा असे आवाहन करण्यात आले आहे. याप्रकरणी खोपोली पोलीस ठाणे येथे अकस्मात मृत्यू रजि. नं. ११/२०२०, सी.आर.पी.सी. १७४ प्रमाणे नोंद करण्यात आली असून पोलीस हेड कॉन्स्टेबल डी. एन. गायकवाड हे पुढील तपास करीत आहेत.